Ditë më parë, moderatorja e njohur Roza Lati bëri bujë në media teksa u shfaq në emisionin e saj me reperen Baby G duke dredhur një cigare, e cila u përfol si marijuanë.
Ky veprim u kritikua në masë, por dje, Autoriteti i Mediave Audiovizive i tërhoqi vëmendjen lidhur me këtë. Ndërkohë, nuk ka vonuar shumë dhe ka reaguar vetë Roza. Përmes një postimi në Instastory, moderatorja u drejtohet ashpër portaleve.
Kujtojmë këtu faktin se moderatores i është tërhequr vëmendja për shkelje të normave ligjore dhe etike. Duke iu referuar njoftimit zyrtar, AMA shkruan se vendimi është bazuar në puntatën ku moderatorja bashkë me këngëtaren Baby G shfaqen duke dredhur cigare në studio.
Puntata ku ajo dridhte cigare në studio bashkë me këngëtaren, u përfol gjerësisht në media, dhe ajo pati dhe një përplasje me një gazetar që vendosi ta hidhte në gjyq.
