Gazetari investigativ Artan Hoxha, mjaft i revoltuar me deklaratën e ministrit të Brendshëm, Sandër Lleshaj, i cili u shpreh nga foltorja e Kuvendit se nuk cënohet siguria kombëtare me 5 veta, i ka dhënë disa argumenta të forta se kjo që ka thënë është qesharake.
Ai në shenjë këmbane alarmi thotë ndër të tjera se është për të vënë kujën se në çfarë niveli sigurie po jetojmë, ku nuk i themi më njëri-tjetrit “mirëupafshim”, por “të ruajt Zoti”. Artan Hoxha parashtron pyetjen se kur nuk është cënuar siguria kombëtare, pse dërguan patrullat e ushtrisë me mjete të blindura të sillen rrotull gardhit të aeroportit?!
Statusi
“Qe jemi te sigurt, kjo eshte nje gje qe duket!!!!Thjesht ne nuk e perceptojme qarte çfare niveli sigurie kemi. Problemi eshte qe mos na siguroni kaq shume, sa kur ndahemi me miqte ne rruge, ne vend ti themi “mireupafshim”, kemi filluar ti themi “te ruajt zoti” ne qiell se ne toke ke kry pune….
MB Sander Lleshi sot ne parlament: Nuk cenohet siguria kombetare me 5 veta!!!!! Me falni po manuali çfare parashikon per te tilla raste?!! Sa veta duhet te jene te armatosur rende me Kallashnikov, granata difensive, eksploziv dhe çfare objekti te rendesise se veçante duhet te sulmojne ata qe te cenohet siguria kombetare?!!!
Kur nuk eshte cenuar siguria kombetare pse derguam patrullat e ushtrise me mjete te blinduara te sillen rrotull gardhit te aeroportit?!!
Qe siguria kombetare te cenohet, separi duhet qe ajo te egzistoje. Kur ajo nuk egziston atehere eshte e sigurt qe s’ka kush e cenon…”, shkruan ai në Facebook.
