Ish-kryetarja e FRESSH, Joleza Koka, është në pritjen e ëmbël. Burime për “Gazeta Shqiptare” bëjnë me dije se Joleza, e cila po qëndron prej pak kohësh larg vëmendjes mediatike, do të sjellë në jetë një fëmijë.
E kontaktuar nga “Gazeta Shqiptare”, Joleza nuk e ka pohuar dhe as nuk e ka mohuar një lajm të tillë. Ajo ka thënë se janë gjërat e saj personale, për të cilat nuk dëshiron që ti komentojë.
“Janë gjërat e mia personale, preferoj t’i mbaj private”. Dy vite më parë, ajo kurorëzoi historinë e dashurisë me ish-aktivistin e Lëvizjes Mjaft dhe ish-Drejtorin e Rinisë në Ministrinë e Arsimit, Laert Koka.
Martesa u krye në një ceremoni private në Las Vegas, i njohur për legjislacionin liberal dhe shprehjen: “Çfarë ndodh në Las Vegas, mbetet në Las Vegas”.
