Pas mbërritjes në Kosovë, këngëtarja Rita Ora është shfaqur në takimin e parë me mediat pas vizitës së saj në kuadër të UNICEF. Në një konferencë për mediat, Rita foli lidhur me misionin e saj bamirës, e ndërsa nuk nguroi të theksojë se sa krenare ndihet. Ajo shoqërohet në këtë mision humanitar nga babai dhe nëna e saj.
“Jam e lumtur që jam në Kosovë. Kam pasur një udhëtim fantastik me UNICEF-in. Me të vërtetë po mundohem që ta ndihmoj rininë kosovare.
Jam e mrekulluar me punën që po bëjnë të rinjtë dhe jam krenare se jam pjesë e këtij kombi. Me të vërtetë jam e lumtur që kam takuar shumë heronj të ri. Faleminderit që më keni pritur”, tha Rita.
