Ish-deputeti i Partisë Demokratike, Klevis Balliu ka komentuar grabitjen e miliona eurove në Rinas.
Balliu deklaroi se ndërkohë që banorët tek Bregu i Lumit dhunoheshin sepse mbronin shtëpitë e tyre nga shembja, “miqtë, partnerët e Edi Ramës mund të grabisnin të lirë 10 milion euro”.
“Pamjet drithëruese që kemi parë dje dhunën që kemi parë dje të ushtruar, nga fëmijë, zonja, gra të marra zvarrë, vajza 18-vjeçare në rajonine polcisë, ato pamje na kanë treguar se nuk është më koha për t’u mbrojtur, por për të sulmuar. Në datën 13 të sulmojnë pushtetin e krimit. Për të gjithë ata që flasin se protesta qenka problem, po pse nuk është problem revolta në Rumani, revolta e francezëve, pse nuk janë problem revoltat në Europë, po qenkan problem protesta e shqiptarëve?
Flasin për trazirat, problem se u thye një xham. A ka kauz më të drejtë se shtëpia, se fëmija, se demokracia për të bërë revoltë me çdo mjet. Ndërkohë që sulmoheshin ata banorë, miqtë partnerët e Edi Ramës mund të grabisnin të lirë 10 milion euro. Kush i hanë deklaratat e shëmtuara të një ministri që del e thotë se u shkatërruan bandat”, tha ish-deputeti.
