Një automjet është shkatërruar me lëndë eksplozive mbrëmjen e sotme në Fushë-Krujë.
Nga informacionet paraprake, tritoli i është vënë në një makinë tip “Golf 6”, e cila dyshohet se është në pronësi të një 63 vjeçari.
Fatmirëshisht nga shpërthimi nuk ka të lënduar, ndërsa raportohet vetëm për dëme materiale.
Ndërkohë, policia ka nisur hetimin për zbardhjen e plotë të kësaj ngjarjeje.
Njoftimi i policisë:
“Më datë 07.04.2019, rreth orës 21:40, në lagjen Delvina, Fushë Krujë, automjetit në pronësi të shtetasit V.X.,63 vjeç ,banues në Fushë Krujë, dyshohet ti jetë vendosur një sasi e vogël lëndë plasese, ku si pasojë e shpërthimit ka vetëm dëme materiale .
Grupi Hetimor ndodhet në vendngjarje dhe po punon për zbardhjen e plotë të rrethanave të ngjarjes, identifikimin dhe kapjen e autorit/ëve”.
