Ish-kryeministri Sali Berisha ka lëshuar alarmin, teksa shkruan se Shqipëria mund të humbasë fondet IPA, pasi Komisioni i Kontrollit të Buxhetit të PE-së dhe Zyra Antikorrupsion e KE kanë konstatuar abuzime.
Sipas Berishës, ky rekomandim për ndërprerjen e fondeve vjen pas kontrollit të disa projekteve të financuara në Shqipëri vitet e fundit dhe “afera famoze Vlahutin”.
“Le të urojme qe ky rekomandim te mos miratohet sepse do të ishte një ndëshkim i madh për shqiptarët, privim i tyre nga qindra milion euro për dhjetëra e dhjetëra projekte në Shqipëri”, shkruan ndër të tjera Berisha.
Postimi i plotë:
Nje rekomandim ogurzi qe uroj te mos zbatohet!
Miq, mediat njoftojne se Komisioni i Kontrollit te Buxhetit i Parlamentit Europian (CONT)dhe OLAF, Zyra Antikorrupsion e Komisionit Europian pasi kane kontrolluar realizimin e disa projekteve te financuara ne Shqiperi keto vitet e fundit dhe aferen famoze Vllahutin (ambasadores se BE ne Tirane e lidhur teper ngushte me Ramen) te blerjes se viles per rezidencen e saj me çmimin stratosferik 4500 euro m2, aty ku shitjet ishin me 1200 euro, kane rekomanduar per shkak te mega abuzimeve qe kane konstatuar qe qeveria shqiptare te humbase fondet IPA (fonde falas) per te gjitha projektet se bashku.
Le te urojme qe ky rekomandim te mos miratohet sepse do te ishte nje ndeshkim i madh per shqiptaret, privim i tyre nga qindra milion euro per dhjetra e dhjetra projekte ne Shqiperi. Sb
Ketu me poshte keni nje permbledhje te shkurter per kete rekomandim.
Në maj të vitit të kaluar, Komisioni i Kontrollit të Buxhetit (CONT) i Parlamentit Europian shkoi në Shqipëri për të kryer misionin e parë fakt-mbledhës pasi ishin ngritur dyshime lidhur me procedurën e prokurimit të vilës që do të shërbente si vendbanimi i ri i drejtueses së Delegacionit të BE-së, Romana Vlahutin.
Misioni ishte pasuar nga një hetim i Zyrës Europiane Anti-Korrupsion (OLAF) ndërkohë që kryetarja e CONT Ingeborg Grable, kishte deklaruar se ky rast kishte ‘dëmtuar rëndë imazhin e BE-së’.
Përfundimi i CONT është ky: sugjerohet që qeveria shqiptare të humbasë fondet e IPA për të gjithë projektet se bashku. Exit.al
