Artan Lame është prezantuar sot nga zëvendës kryeministri Erion Braçe si drejtor i Kadastrës Shtetërore. Hipotekat dhe ALUIZNI një institucion i cili sapo është krijuar me synimin sipas qeverisë për ti ardhur në ndihmë qytetarëve, tashmë do të jetë në drejtimin e Lames.
Braçe tha se objektivi i qeverisë është zgjidhja e probleme dhe për këtë është bërë një punë e mirë me legalizimet por theksoi se kjo është një betejë që do të vazhdojë.
“Certifikimi i pronave është prioritet i qeverisë. Kemi bërë një punë shumë të mirë me legalizimet. Është një betejë që do vazhdojë për të përfunduar procesin e legalizimi të objekteve të paligjshme kudo që ndodhen, në periferi apo zona të populluara dhe ajo përvojë duhet të shërbejë për të çuar para proceset që kemi nisur.
Dua të falënderoj zotin Lame dhe të gjithë kontributorët e tjerë. Dua të falënderoj edhe të gjithë drejtuesit e deri sotëm të ZRPP që kanë përballuar një fluks të jashtëzakonshëm në punë për certifikimin e pronave të qytetarëve të Republikës së Shqipërisë. Qoftë ato nga procesi i legalizimeve qofshin toka bujqësore”, deklaroi Braçe.
Në fjalën e tij, Lame theksoi se çështja e pronave mbetet themra e Akilit në Shqipëri dhe se zgjidhja nuk do të jetë e lehtë. Njerëzit vazhdojnë të thërën e të vriten për prona, por duke marrë shembull legalizimet, Lame u shpreh besimplotë për suksesin e reformës.
“Reforma do të jetë në tre drejtime: Reformë thelbësore në hartografi, reformë thelbësore në shërbime dhe sistemet e shërbimit dhe reformë thelbësore në burimet njerëzore, në meritokraci.
I ftoj qytetarët shqiptarë që siç na ndoqën në reformën e legalizimeve të na ndjekin dhe në ngritjen e Agjencisë Shtetërore të Kadastrës”, deklaroi ndër të tjera Lame.
