Shqipëria është duke kaluar një krizë të rëndë politike dhe palët duken shumë larg një zgjidhjeje me marrëveshje. Kjo ka bërë që faktori amerikan të lëvizë në nivele të larta. Më 9 prill, në Tiranë do të vijë Zëvendës Ndihmës Sekretari Amerikan i Shtetit Matthew Palmer.
Sipas burimeve paraprake, Palmer do të takojë kryeministrin Edi Rama dhe kryetarin e opozitës Lulzim Basha. Duket se Palmer do të marrë rolin e negociatorit në krizën politike në Shqipëri, gjë që refuzuan ta bëjnë eurodeputetët të cilët thanë se politika duhet t’i zgjidhë vetë problemet e saj dhe se nuk mund të përsëritet gjithmonë e njëjta histori.
Edhe në vitin 2017, pas vizitës së Zëvendës Ndihmës Sekretarit Amerikan të Shtetit Hoyt Bryan Yee, PD dhe PS arritën të finalizonin marrëveshjen e 17 majit.
