Gjatë një interviste në emisionin “1 kafe prej shpisë”, këngëtari Ermal Fejzullahu ka konfirmuar publikisht se bashkëshortja e tij është shtatzënë, dhe se janë në pritje të fëmijës së katërt.
“Po, e vërtetë është! Të jetë mirë, ajo ka rëndësi. Vajza e vogël Era është pak xheloze, sepse është 5-vjeçare”, ka pohuar Ermali.
Para disa javësh, këngëtari i njohur Ermal Fejzullahu dhe bashkëshortja e tij Ariana u përfolën se do të bëheshin prindër për herë të katërt. Po të dy i mohuan zërat, duke i cilësuar thashetheme.
