Ish-kryeministri Sali Berisha ka lënë në mes marshimin e protestës drejt Ministrisë së Brendshme, duke shkuar i pari në selinë e Partisë Demokratike, aty ku u mbyll dhe protesta e opozitës së bashkuar.
Berisha jo vetëm që nuk mbajti fjalim përpara protestuesve, por ndryshe nga deputetët e tjerë, nuk qëndroi në mesin e protestuesve ku pati përplasje të forta të mbështetësve të opozitës me policinë, në hyrjen e Kuvendit.
Pasi hodhën bojë të zezë tek Ministria e Brendshmë, kreu i PD Lulzim Basha dhe kryetarja e LSI së bashku më protestuesit janë nisur drejt selisë blu.
Protesta e sotme e opozitës filloi rreth orës 9:30 ndërsa pritet të mbyllet me fjalën e kryedemokratit.
Protesta u shoqërua me tensione të herë pas hershme kur protestuesit tentonin të çanin kordonin e policisë përpara Parlamentit.
