Shkrimtarja e mirënjohur Flutura Açka është ndjerë e zhgënjyer nga qeveria. Ky është vlerësimi i saj, i bërë në emisionin e gazetarit Adi Krasta.
Ajo tha se kishte besuar se Rama mund të bëhej burrë shteti, dhe se është shumë larg, pasi është shkëputur nga realiteti.
‘Kur flas për kryeministrin, apo ministrin, unë nuk flas për emër të përveçëm, por për institucionin. Unë jam sulmuar shumë, kjo vjen për shkak të gjuhës sime. Nuk kam asnjë mjet komunikimi përveç saj. Kjo është detyra ime, këtë mjet do përdor.
Nëse kjo bie ndesh me shumicën e atyre që më dëgjojnë, kjo s’është puna ime. Unë e kam parë të vërtetën në sy, edhe kur ajo ka qenë kundër meje’, tha Açka.
‘Unë kam besuar shumë tek ky djalë, se do të ishte një burrë shteti. Ne jemi në një zgrip të tmerrshëm, ai është shkëputur nga realiteti. Ricardi, bashkëshorti im holandez dhe miqtë e tij, shpresonin se Rama do ta ndryshonte Shqipërinë, por janë zhgënjyer. Ka mundësi të korrigjohet, ai e ka ndihmuar atë në fillimet e veta kur ka ardhur në Holandë’, shtoi shkrimtarja.
