Kristal Abazaj po tregon një formë të jashtëzakonshme në Kroaci me skuadrën e Osijekut. Në ndeshjen e fundit sulmuesi shqiptar ishte i pafat, ku ekipi i tij bëri një hap të gabuar në shtëpi ndaj Slaven Belupos. Në letër kjo ndeshje ishte disi e thjeshtë për vendasit dhe e tillë dukej të rezultonte në pjesën e parë.
Goli i parë do të vinte pa kaluar shumë minuta, ndërsa një karton i kuq i kundërshtarit, duhej ta kishte lehtësuar edhe më shumë punën për Osijekun. Gjithsesi do të ishte fati kundër tyre, e më saktësisht me Kristal Abazajn.
Dy raste të pastra pati ky lojtar gjatë takimit, që i krijoi me aftësi tërësisht personale, duke i marrë zvarrë kundërshtarët e tij. Por topi në asnjë prej rasteve nuk iu bind, fillimisht duke u pritur nga portieri, e më vonë duke kapur traversën.
Me duart në kokë dhe i shtrirë Abazaj nuk i besonte syve për atë që ndodhi, por për një fund dramatik, do të mendonte Slaven Belupo me barazimin në minutat e fundit.
