Policia e Tiranës ka zbardhur ngjarjen e mbrëmshme, ku një person ka hedhur lëndë plasëse drejt një banese. Burimet zyrtare bëjnë me dije se kanë identifikuar autorin e dyshuar, i cili është shtetasi me inicialet A. B., 58-vjeç, banues në Tiranë.
Ngjarja ka ndodhur në rrugën “Mihal Popi”, ku ka shpëthyer dera e jashtme e banesës së një shtetasi, nga një sasi lënde e dyshuar plasëse. 58-vjeçari, mbrëmjen e djeshme, rreth orës 21:10, në rrugën “Mihal Popa”, dyshohet të ketë vendosur në derën e jashtme të banesës së një shtetasi, një sasi lënde plasëse, nga shpërthimi i së cilës u shkaktuan vetëm dëme materiale.
“Policia zbardh ngjarjen e ndodhur mbrëmjen e djeshme, ku në rrugën “Mihal Popi” shpërtheu dera e jashtme e banesës së një shtetasi, nga një sasi lënde e dyshuar plasëse.
Identifikohet dhe shpallet në kërkim autori i dyshuar.
Shërbimet e Policisë të Komisariatit Nr.2, identifikuan dhe shpallën në kërkim, shtetasin A. B., 58-vjeç, banues në Tiranë.
Ky shtetas mbrëmjen e djeshme, rreth orës 21:10, në rrugën “Mihal Popa”, dyshohet të ketë vendosur në derën e jashtme të banesës së një shtetasi një sasi lënde plasëse, nga shpërthimi i së cilës u shkaktuan vetëm dëme materiale.
Materialet iu referuan Prokurorisë së Rrethit Gjyqësor Tiranë, në ngarkim të shtetasit të lartpërmendur, për veprën penale “Shkatërrim i pronës me eksploziv”, përfundon deklaratën për media policia.
