Mitzi është macja më e famshme në Britani për dy arsye. Është shumë e shëndoshë dhe për fatin e saj të keq në gjetjen e një shtëpie. Por, duket se kjo gjë tashmë ka marr fund.
Kur u gjet në fillim Mitzi peshonte 7.7 kg, por në më pak se një vit ajo është dobësuar dhe tani peshon 5.3 kg. Gjatë kësaj kohe macja është kthyer në strehën e kafshëve katër herë. Kjo pasi, siç edhe punonjësit e cilësojnë ka qenë “jashtëzakonisht shumë e pafat”.
“Jeta e Mitzit ka qenë shumë e trishtë. Në fillim një nga pronarët vdiq, një e kishte të pamundur të kujdesej për të pasi e mori dhe një tjetër u sëmurë rëndë.”
Pronarët e rinj të Mitzit donin ta adoptonin atë kur pjesëtari i tyre i familjes ndërroi jetë, por e kishin të pamundur të kujdeseshin për të në një shtëpi më qira. Punonjësit e strehës u shprehën se ata do të kujdesen për Mitzin deri në prill, kohë kur pronarët do të hynin në një shtëpi të re.
“Ne kemi pasur oferta nga Amerika, Suedia, madje dhe nga Lindja e Mesme. Por, jemi të lumtur që më në fund gjetëm një pronar që e njeh tashmë dhe e do. Teksa është shumë e pazakontë për një mace të kthehet kaq shumë herë në strehë. Askush nuk e merrte në pronësi, por të gjithë e ushqenin,”-shprehet pronarja e strehës së kafshëve./ Burimi: BBC, Përshtati: Tirana Today
