Ish-deputeti demokrat, një nga figurat më përfaqësuese të Partisë Demokratike, Astrit Patozi, shfryu dufin ndaj kësaj force, pas marrjes së vendimit në mënyrë unanime për djegien e mandateve. Duke u rikthyer pas në kohë, në marrëveshjen e 17 majit, ai i kujton Ramës e Bashës se të dy kanë ndarë territore e lekët së bashku.
Patozi: Hëngshin kokën me njëri-tjetrin, Rama e Basha dikur ndanin lekët bashkë
Shkrimi i tij mjaft i goditur, ka marrë vëmendjen e qytetarëve, të cilët i vënë në dukje faktin se ai nuk duhet të kënaqet me këtë situatë kritike në të cilën ndodhet vendi, e mbi të gjitha të duartrokasë për dështimin nga ana e opozitës.
Mes rreshtave, ai citonte se lajmi i vetëm i mirë në këtë katastrofë politike, që ende përbën rrezik për shoqërinë tonë, është fakti që sistemi i kalbur politik po jep shenjat e qarta se po shkon drejt vdekjes klinike. Kjo nuk është kapërdirë nga ana e një qytetari, i cili i ka kthyer një përgjigje thumbuese. Sipas tij, në këtë teatër, Patozi nuk ka qenë spektator, por violinë e parë.
