Në kuadër të masave për të ndaluar militantët që të hyjnë në godinën e Kuvendit, Garda e Republikës dhe Policia e Shtetit i kanë bllokuar portën e dytë të selisë blu.
Porta përdoret nga deputetët e PD-së për të shkuar në seancën e Kuvendit. Nga kjo portë jemi mësuar të shikojmë hyrjen e grupit të PD-së si dhe portën që përdor ish -kryeministri Sali Berisha dhe ku e pret makina e tij bashkë me shoqëruesit.
Gjatë mbrëmjes kjo portë është salduar dhe është vendosur një mburojë metalike. Ndërkohë që në anën tjetër të portës janë efektivët e FNSH-së, të cilët siç shihen nga fotot e LSA-së, janë të ulur në stola duke pritur të nisë “aksioni”.
