Në kohën kur klasa politike zihet dhe nxjerr me emra dhe me foto eksponentët e krimit, dhe sa lidhje kanë me ta, një biznesmen i cili është edhe mik me Bashën tashmë ka rënë në prangat e uniformave blu. Bëhet fjalë për shtetasin Arben Xibri, akuzuar si organizator i trafikut të drogës.
Pas dy viteve në arrati, Policia e Tiranës ka vënë në pranga 53-vjeçarin Arben Xibri, i cili është i akuzuar për trafikun e 130 kg kanabis. Xibri është dënuar në mungesë nga Gjykata e Tiranës me 8 vite burg, për veprën penale “Trafikim i narkotikëve i kryer në bashkëpunim, i mbetur në tentativë”.
Rasti i trafikut të drogës u parandalua nga policia në vitin 2016, kur efektivët e Antidrogës në portin e Durrësit ndaluan automjetin që do të trafikohej drejt Italisë, dhe brenda të cilit ndodhej sasia e lëndës narkotike. Në atë kohë u arrestua shoferi Edmond Xhaja, 48-vjeç.
Por organizator i këtij trafiku dyshohet të jetë Arben Xibri, biznesmen, një person i afërt me kryetarin e Partisë Demokratike, Lulzim Basha.
