Edhe pse nuk ka asnjë qëndrim zyrtar, opozita duket se është drejt vendimit final të djegies së mandateve. Edhe deputetët e LSI-së kanë lënë të kuptohet një gjë e tillë, teksa në postimet e tyre në Facebook shkruajnë:
“Ky kuvend, i marrë peng nga krimi i organizuar nuk është më vendi i kuvendimit. Arroganca e mazhorances kriminale po fundos vendin”, shkruan Viktor Tushaj.
Ndërsa Klajda Gjosha ka thënë se konsensusi i vetëm i opozitës është “të djegë qeverinë e dalë nëpërmjet zgjedhjeve të inkriminuara.
“Konsensusi i vetëm i opozitës është të djegë qeverinë e dalë nëpërmjet zgjedhjeve të inkriminuara dhe vjedhjes së votës. Shqiptarët meritojnë rikthimin e demokracisë së munguar”, shkruan Gjoshaj.
Ndërsa deputetja Florida Kërpaçi shkruan: “Ç’vlerë ka mandati kur ai helmon popullin e tij?”
Ndërsa Klejdi Mehmetaj shprehet se mandatet nuk janë të deputetëve, por të qytetarëve. “Mandatet nuk janë të deputetëve, por të qytetarëve, ata folën fort ditën e shtunë. Kundër regjimit kriminal të Edi Ramës”, shkruan ajo.
