Sot kryefjalë e ditës janë djegia e mandateve nga ana e opozitës. Por si e ka pritur mazhoranca këtë vendim? Raportohet se kryeministi Rama iu ka kërkuar deputetëve socialistë, të organizohen për zgjedhjet vendore, pavarësisht vendimit të opozitës. “Organizim për zgjedhjet vendore, pavarësisht se çfarë bën opozita”, mësohet të ketë thënë kreu i PS.
Po të njëjtin qëndrim kanë mbajtur dhe deputetët e PS. Ata kanë deklaruar se Parlamenti është legjitim edhe pa opozitën. “Është një vendim që i takon opozitës! Parlamenti është legjitim edhe pa opozitën. Parlamenti është në funksion të plotë dhe legjitim”, kanë thënë për mediat deputetët e PS, para nisjes së mbledhjes së grupit. Ndërsa deputetja socialiste Klotilda Bushka deklaroi se nuk ka vend për zgjedhje të parakohshme.
Basha tha dje se pjesëmarrjen në protestë e lexoi si një referendum qytetar, për zgjidhjen e ofruar nga opozita, qeveri tranzitore dhe zgjedhje të parakohshme.
