E ftuar në emisionin “Trokit”, këngëtarja Greta Koçi tha publikisht se ka pasur raste kur fansat e kanë ndjekur deri në shtëpi. Duke iu rikthyer kësaj periudhë, të cilën ajo e cilëson si mjaft stresuese, Greta Koçi i është rikthyer edhe historisë me një djalë në Korçë. Ai ishte një njeri mjaft problematik, dhe ishte shoqëruar nga ana e policisë.
“Ka pasur probleme. Kam pasur njerëz që më kanë përndjekur, njerëz që më vinin poshtë shtëpisë. Nga kati i parë ngjiteshin në kat të katërt, ku e kam shtëpinë. Më ndiqnin me biçikletë, dhe në një periudhë ka qenë shumë stresuese.
E kam treguar historinë me një djalë në Korçë, ku policia e ka shoqëruar deri sa ka mbaruar koncerti im, edhe mbasi unë kam lënë Korçën është liruar, sepse ishte problematik dhe ne nuk e njihnim si fytyrë”, tha Greta.
