Ana Paula da Silva ka tërhequr vëmendje në mediat ndërkombëtare, për shkak të veshjes së saj në një ceremoni betimi.
Deputetja braziliane, më parë kryebashkiake e Bombinhas, u zgjodh për të përfaqësuar Brazilin në Asamblenë Legjislative Santa Catarina.
Teksa bëri betimin para pak ditësh, ajo zgjodhi një veshje të kuqe të zjarrtë dhe një këmishë mjaft të hapur, duke zbuluar më shumë seç duhet, gjë që shkaktoi menjëherë një debat të madh.
Komentet kanë plasur në rrjet lidhur me veshjen e 43-vjeçares, të cilat kanë qenë nga më të ndryshmet.
“Kjo grua është prova e ‘S’dua t’ia di si dukesh, si vishesh, apo çfarë bën. Thjesht bëj punën tënde’”, tha një komentues duke mos e gjykuar aspak deputeten.
Edhe deputetja ka reaguar, teksa foli për një media lokale. Ana Paula da Silva tha:
“Mendova se njerëzit do të flisnin për ngjyrën e kuqe, por ata u fokusuan vetëm te pjesa e copëtuar. Mënyra se si vishem unë, është problemi im. Gratë kanë gjinj dhe unë kam gjinj të mëdhenj, unë kam qenë gjithmonë kështu. Mesazhi është dhënë. Gratë janë pjesë e politikës dhe shoqëria duhet të mësohet me këtë. Ka shumë çështje më me rëndësi për të diskutuar në Asamblenë Legjislative”, përfundoi ajo. / Përshtati Tirana Today
