E mbetur që e vogël jetime, Olga Shishkina iu bashkua në moshën 18-vjeçare luftës në Ukrainën Lindore, në radhët e forcave pro-ruse. Ajo u paraqit vullnetarisht, ndërsa fillimisht nuk u pranua, pasi dyshohej si një spiune ukrainase. Por pasi u pranua, dhe u trajnua si snajperiste, u shndërrua në një nga vrasëset më vdekjeprurës të rebelëve, duke shënjestruar dhe eleminuar një ushtar ukrainas nga thuajse 4 mijë metra larg. Vetë Olga nuk e pranon etiketimin “vrasëse”.
“Unë nuk kam vrarë njerëz. Për ne snajperët, ata nuk janë njerëz, por objektiva. Unë nuk mendoj për ata që qëlloj. Nuk mendoj që ata mund të kenë fëmijë, nënë, familje. Kjo është luftë. Kështu është më e lehtë për mua”- thotë Shishknina. Ajo shton se gjatë luftës, që deri tani ka shkaktuar më shumë se 10 mijë të vdekur, ka vrarë vetëm ushtarë dhe asnjë civil. Pas një viti në front, ajo u trasferua në qytetin separatist të Donjeckut, dhe kohët e fundit mori pjesë në një konkurs bukurie, kur fitoi çmimin “Lady Transformation”, për kalimin e saj nga snajperi tek kurora e bukurisë. Olga ka hapur tanimë një kafene në qytet, dhe për momentin mendon të qëndrojë larg jetës ushtarake.
