Në bashkëbisedimin e fundvitit me gazetarët, Raama u ndal edhe tek ministrat e rinj, ku u doli garant se ka zgjedhur shqiptarë të mirë.
“Unë vetë jam frut i kësaj mënyre të të qënit në Partinë Socialiste, dhe i këtij raporti të PS me të gjithë Shqipërinë dhe atë peshë të shoqërisë që ndjehet pranë PS, dhe nuk është. Kur unë jam bërë Ministër i Kulturës, nuk isha anëtar i PS, isha i marrë nga “rruga”. Ka plot shembuj të tjerë dhe kjo është një traditë pozitive që unë jam krenar që e kam thelluar dhe do e thelloj, për të adresuar qëllimet dhe objektivat e caktuar.
Kam besim që puna do të tregojë dobinë e këtyre zgjedhjeve dhe padiskutim në çdo rast ata këshilltarë publikë do të bënin punën e tyre. Ju siguroj se të gjithë ata që janë zgjedhur për qeverinë e re, kanë kapacitetet e tyre të padiskutueshme, por kanë një sens përkatës për programin dhe mënyrës së të qënit në PS, pavarësisht se kanë apo s’kanë kartë anëtarësie. Gjithmonë jam prirur për të zgjedhur shqiptarë të mirë”.
