Edhe sot nuk kanë munguar debatet e ndërsjellta mes Ramës dhe studentëve, teksa kryeministri ka mbajtur një takim në Universitetin Bujqësor të Kamzës. Të rinjtë kanë shprehur dufin, duke thënë se nuk pasur informacion për praninë e tij në takim. Teksa një student thotë se ai është ngelës, duke i kujtuar edhe disa shprehi të rektorit, Rama iu kthye me të njëjtën monedhë. “Epror bashkë me fjalën ‘këllqe’ lëreni jashtë, dhe shikojeni në fjalor”, tha kryeministri. Ai shtoi më tej se kishte shkuar për të folur për përgjegjësi, dhe jo për faj.
Studenti: Përshëndetje z. kryeministër! Unë jam një ngelës ndërkombëtar.
Rama: Urime!
Studenti: Nuk është mënyra e duhur që mu drejtove, sepse ne të kemi zgjedhur. S’më pëlqen se si ju iu kthyet dy studentëve. Studentes së parë dhe tjetrit. Madje s’më pëlqeu fakti se si justifikoheni dhe hiqni përgjegjësinë nga institucioni juaj, dhe ia vini Universitetit. Ne të kemi zgjedhur. Më pëlqeu përgjigjja e studentit, dhe shpresoj që rektori mos ta kap personale me të dhe mos të ngel. Ju thoni ‘katranjozët protestojnë’, por ata kërkojnë të drejtat e tyre. Kjo është e papranueshme, dhe të na fusni të gjithë me një thes.
Rama: Shumë faleminderit! E para eprori nuk je as ti, as ajo vajza. As unë s’jam. Të flas unë, se s’të ndërpreva. Për veten time e kam merak të fitoj debatet, por është barazi. Nuk kam çfarë mendoj.
S’jam ai politikani që bën sikur kupton dhe bën si i butë. Eprori nuk është as ti, as e as ajo vajza. Epror bashkë me fjalën ‘këllqe’ lëreni jashtë, dhe shikojeni në fjalor. Kam ardhur të flasë për përgjegjësi, dhe jo për faj.
Ju keni 13 ditë që bërtisni dhe s’flisni. Unë pres që ju të flisni. Kush është në vit të parë? Më thoni pak, ka ndonjë që ia ka zënë vendin dikush tjetër? Keni futur mik? Keni dhënë lekë?
Tani është radha ime për të folur. Sot nuk e çan dot as me lekë, as me mik. Kur ka pikët më të larta, zgjedh djalin e bariut dhe jo djalin tim. Pastaj për lekët që u jepni pedagogëve, kjo është temë tjetër. Kujt ia kërkoni këtë përgjigje, kur jepni lekët për të marrë provime?”.
