Kryeministri Rama tha se këtë herë beteja me opozitën nuk është me vota, por është kush fiton zemrat e studentëve.
Duke pranuar se protesta e studentëve i dha një shuplakë qeverisë, Rama paralajmëroi humbjen më të thellë të opozitës së në 2017-ën.
“Tashmë beteja me ata që humbën në 2017 dhe do të humbin më keq nuk është me vota.
Këtë radhë kjo nuk është me vota, këtë radhë është kush fiton zemrat e studentëve. Qeveria duhet të bëjë reflektime të mëdha falë kësaj shuplake që ka marrë”, përfundoi Rama gjatë fjalës së tij në foltoren e Kuvendit.
