Pas protestës së studentëve, blutë e Tiranës kanë proceduar penalisht 25 persona. Mes tyre kantautori Robert Aliaj, profesori Edmond Tupe, si edhe aktivistë të forumeve rinore të partive politike. Sipas policisë, shkak për nisjen e procedimit është organizimi i protestave të paligjshme, dhe pa lejen e organeve kompetente.
Njoftimi i plotë:
Më datë 11.12.2018, u referuan materialet në Prokurorinë pranë Gjykatës së Shkallës Parë Tiranë, për shtetasit:
Edmond Tupe, Robert Aliaj, Altin Goxhaj, Mirela Ruko, Klodian Leka, Estela Nazarko, Xhuljano Bregasi, Henri Fero, Liri Guci, Gentian Doci, Malbor Duka, Nehbi Bushaj, Klajdi Bello, Redi Muci, Luan Myrtaj, Erdi Bërxulli, Agron Pepaj, Migen Qiraxhi, Bledar Hysa, Adriatik Lapaj.
Dhe aktivistet politike Gaetano Doci dhe Andrea Gjini (LSI) dhe Kristina Tonal (FRPD).
Ata akuzohen se dje në orën 09:00, tek sheshi “Nënë Tereza”, në rrugën “Muhamed Gjollesha”, e më pas në rrugën e “Durrësit”, përpara Ministrisë së Arsimit, kanë protestuar në mënyrë të paligjshme, pa lejen e organeve kompetente duke prishur rendin e qetësinë publike, penguar qarkullimin e mjeteve të transportit, duke hedhur sende të forta në oborrin e institucionit.
Policia deklaron se po punon për identifikimin e personave të tjerë që kanë bllokuar rrugën tek sheshi “Rilindja”, pasi janë të fotografuar.
Që në orët e para të ditës, kryetarja e LSI, Monika Kryemadhi ka ofruar një zgjidhje për studentët, pasi sipas saj, situata është kritike. Ajo u shpreh se LSI do depozitojë në Kuvend amendamentet për të zgjidhur kërkesat e studentëve.
Sakaq, daljen urgjente për mediet që në orët e para të mëngjesit të kësaj të mërkure, të kryetares së LSI-së Monika Kryemadhi, kryeministri Edi Rama zgjodhi ta ironizonte në rrjetet sociale.
https://tiranatoday.com/lajm-i-funditpolicia-nis-procedimin-e-studenteve-mes-tyre-robert-aliaj-e-edmond-tupe/
