Protesta masive e studentëve ka marrë vëmendjen e mediave të huaja. Së fundmi, Washington Post ka raportuar lidhur me protestën që po zhvillohet para Ministrisë së Arsimit.
“Studentët e universiteteve publike që protestojnë për koston e tarifave, janë mbledhur për tubimin më të madh të deritanishëm, duke kërcënuar të përshkallëzohet nëse kërkesat e tyre nuk plotësohen.
Mijëra studentë të martën mbanin postera dhe bërtitën “ulni tarifat” përpara Ministrisë së Arsimit. Nxënësit nga qytete të tjera dhe shkollat e mesme të Tiranës u bashkuan me ta në një protestë paqësore”, raporton WP.
Më tej, artikull mbyllet me ftesën e Ramës ndaj studentëve, të cilët e refuzuan dhe kërkesat e tyre:
“Kryeministri Edi Rama bëri thirrje për qetësi në Facebook, duke u kërkuar protestuesve “të ndërtojnë urën e komunikimit me qeverinë”. Studentët kanë hedhur poshtë ofertat e qeverisë për dialog. Kërkesat e tyre përfshijnë uljen e tarifave të shkollimit në gjysmë, duke vendosur një buxhet më të lartë për arsimin dhe një prani më të madhe të studentëve në bordet vendimmarrëse.”/ TIRANA TODAY
