Ndonëse sot është ditë pushimi për punonjësit e administratës, për shkak të 8 dhjetorit, Ditës së Rinisë, për studentët është një ditë me një agjendë të ngjeshur.
Kreu i Bashkisë së Tiranës, Erion Veliaj, duke folur për planin urbanistik të qytetit, dhe theksuar se kryeqendra e Shqipërisë do të implementojë modele franko-gjermane, është ndalur edhe tek studentët.
Ai foli për planin dhe ndërhyrjen në Qytetin Studenti, teksa shtoi faktin se disa godina kanë pësuar transformime. Gjithashtu u theksua fakti se studentët do të mbështeten me dinjitet, duke përmirësuar kushtet në rezidencat në Qytet Studenti.
“Të përfitojmë nga eksperienca franko-gjermane. Në proces, janë në fokus, përmirësimi i kushteve në konvikte. Me rëndësi është trajtimi me dinjitet të studentëve. Ambasada e Gjermanisë ka dhënë një dorë ndihmuese për Qytetin Studenti.
Të bëjmë më shumë, me pak para dhe Tirana për këtë është një shembull për të gjithë qytetet e Shqipërisë. Duam të krijojmë një paketë turistike. Jam i lumtur që BE ka akorduar 94 mln euro të adresuar tek fermerët.
Për disa çështja, ne vendet në zhvillim ne mund të kalojmë edhe vende të zhvilluara. Secili mund të mbjelli një pemë për ditëlindjen e tij, apo për të kujtuar një gjysh apo një përvjetor martese”, tha Veliaj.
Studentët i kanë bërë thirrje edhe qytetarëve që të bashkohen me kërkesat e tyre. Në një njoftim të publikuar nga faqja ‘Për Universitetin’, u bëhet thirrje studentëve dhe qytetarëve që t’i bashkohen protestës që po mbahet para godinës së Ministrisë së Arsimit.
