“Unë them që nuk e kandidon. Edhe pse s’ka kandidatë më të mirë se Veliaj”. Kryetarja e LSI-së Monika Kryemadhi, bëri një deklaratë të fortë duke iu referuar kandidaturës së Erjon Veliajt nën logon e PS-së, në zgjedhjet e ardhshme lokale.
Në emisionin “Zonë e lirë”, Kryemadhi tha se Veliaj, në disa raste, është detyruar “të mbajë flamurin e Ramës”, si vendimi për shembjen e Teatrit Kombëtar, apo projekti për Unazën e Re.
“Po s’mund të thuash që s’ka punuar Veliaj”, shtoi Kryemadhi. Ka një ndryshim thelbësor mes Veliajt dhe Ramës: “Veliaj nuk përshihet me këta drogaxhinjtë, kurse Rama, si njeri që jeton me makthe, është peng i këtyre”.
“Rama shqetësohet nga popullariteti i Veliajt”, u shpreh Kryemadhi. Pyetjes nga Arjon Çani, “a je e bindur se për rrezuar Ramën, LSI duhet të bëjë koalicion, jo me Bashën por me Erjon Veliajn”, kryetarja e LSI-së ju përgjigj: “Jo, mendoj se LSI do jetë në një front opozitar kundër Ramës”.
Kryemadhi tha gjithashtu se brenda Partisë Socialiste, ka shumë të shqetësuar për sektin e Rilindjes të lidhur me krimin dhe duan të ‘pastrohen’.
