Marrëveshja për daljen e Mbretërisë së Bashkuar nga Bashkimi Europian, ka marrë aprovimin e liderëve të BE-së. Kjo është njoftuar nga kryetari i Këshillit Evropian, Donald Tusk.
Marrëveshja duhet të kalojë tashmë në parlamentin britanik, për të marrë aprovimin e deputetëve atje, shumë prej të cilëve janë kundër.
27 udhëheqësit i dhanë mbështetjen e tyre, pas një diskutimi më pak se një orë në Bruksel.
Tusk sinjalizoi të shtunën se marrëveshja do të miratohej, pasi Spanja tërhoqi pretendimet e minutës së fundit në lidhje me Gjibraltarin.
