Një aksident i rëndë ka ndodhur në Paskuqan, ku për pasojë ka mbetur e plagosur një grua. Sipas një dëshmitari okular fillimisht kanë qenë dy makina policie të cilat janë përplasur me njëra-tjetrën. Më pas njëra prej tyre ka goditur kalimtaren.
Në videon e dërguar pranë redaksisë së “Joq Albania”, shihet se si gruaja qëndron e shtrirë pa ndjenja në mes të rrugës.
Të pranishmi kishin njoftuar ambulancë, e cila ishte vonuar më shumë se 40 minuta. Gjithnjë nga çfarë ka thënë dëshmitari, policët kishin dashur ta dërgonin gruan me makinë private për në spital.
“Përshëndetje JOQ, ka ndodhur një aksident në Paskuqan dhe ambulanca s’ka ardhur akoma, po vonohet më shumë se 40 minuta. Makina është e policisë, policët pa pikë edukate donin ta merrnin me makinë private. Çfarë shteti është ky? Gruan që është në tokë e ka goditur makina e policisë. Shikoni videon shihet se makinat kanë bërë aksident me njëra-tjetrën. Kështu ajo gruaja ishte kalimtare dhe ata e kanë goditur atë”, ka qenë ky mesazhi i dërguar në JOQ.
