Në media u përhap me shpejtësi lajmi së Presidenti Ilir Meta nuk dekretoi Sandër Lleshin si ministër të Brendshëm.
Pasi Presidenti nuk dha arsye pse vendosi të mos dekretojë Lleshin, shumë analistë hodhën idenë se Lleshi është një Gjeneral dhe për këtë arsye nuk mund të jetë edhe ministër i Brendshëm.
Duke ndjekur këtë logjike karikaturisti i njohur Bujar Kapexhiu e ka trajtuar me humor këtë ngërç të politikës shqiptare.
Ai ka publikuar në “Facebook-un” e tij një ilustrim ku duket Sandër Lleshi që heq rrobat e gjeneralit përpara Ramës dhe Metës në mënyrë që të marrë postin e ministrit të Brendshëm.
“Striptizë politike”, shkruan artisti që me siguri do të ishte dixhitura e duhur për këtë ilustrim me shumë kuptime. Artisti e tha fjalën e tij, interpretimi i mbetet gjithsecilit që e sheh.
