Në një artikull publikuar nga media greke “Espresso” thuhet se Kostandinos Kaçifas e kishte parashikuar vdekjen.
Konkluzioni i medias greke vjen pasi ajo paraqet një bisedë mes Kaçifas dhe së motrës.
“Heroi trim e kishte parashikuar vdekjen e tij para se të ndodhte. Kohët e fundit, 35-vjeçari jetonte i vetëm në fshat, duke bërë punë të ndryshme për të jetuar. Një javë para se të jepte frymën e fundit, e motra e thirri të shkonte në shtëpinë e saj pas festës së 28 tetorit (festa kombëtare e Greqisë) që t’i rregullonte një dollap. Sikur tu paraprinte atyre që ndodhën, Kaçifas iu përgjigj: ‘Jo, do vij tani. Nuk dua të kem gjëra të pambaruara pas 28 tetorit,” shkruan mes të tjerash “Espressonews.gr”.
Kostandinos Kaçifa mbeti i vrarë të dielën e 28 tetorit, gjatë shkëmbimit të zjarrit me forcat RENEA.
