Një ditë pas deklaratës së paralajmëruar nga ish-ministri i Brendshëm, Saimir Tahiri, ky i fundit ka një tjetër apel për qytetarët shqiptarë.
Në një video të publikuar në Facebook, ai thekson edhe njëherë sipas tij pafajësinë e vërtetuar nga Prokuroria Antimafia e Italisë.
Teksa poston videon, deputeti kërkon që të shpërndahet sa më shumë, që “e vërteta të bëjë më shumë rrugë se gënjeshtra”.
Por, duket se qytetarët nuk e kanë mirëpritur këtë video. Teksa disa prej tyre i kanë komentuar Tahirit se ai meriton të shkojë në burg, pasi ka prangosur qytetarë hallexhinj që nuk kishin mundësi të paguajnë dritat apo ujin.
