“Jam 31 vjeç, Barcelona duhet të mendojë për të ardhmen.” Kjo ishte deklarata befasuese e Luis Suarez pasi i shënoi tre gola Real Madridit me Barcelonën. Sulmuesi uruguaian është shprehur se është i vetëdijshëm se kjo duhet të ndodhë pasi mosha e tij tashmë ishte 31-vjeç dhe duhet të vinte një sulmues i ri që ta zëvendësonte.
“Jam 31 vjeç, Barcelona duhet të mendojë për të ardhmen. Besoj se është normale që duhet të blejë një sulmues të ri, një numër 9 të ri. Në moshën time, nuk mendoj për atë që thonë të tjerët. Jam kritik i vetes. Kur më thanë se isha i shëndoshë, e dija që ishte normale. Kthehesha nga Botërori dhe nuk isha stërvitur maksimalisht.
Në ndeshjen e fundit kam shënuar tre gola ndaj Realit, u ndjeva shumë mirë, sepse po fitonte skuadra. Isha i qetë dhe i lumtur. Shënoj ose jo, ky nuk është problem, mjafton të fitojë ekipi. Duhet të dish të bashkëjetosh me kritikat, por edhe kur të vlerësojnë nuk duhet të rritet mendja dhe të mendosh se je më i miri në botë” – tha Suarez.
