Dy ditë më parë, ish-Ministri i Brendshëm Saimir Tahiri, iu drejtua Krimeve të Rënda, një ambient që kohët e fundit e ka vizituar shpesh. Aty ai dorëzoi një provë të re, e cila, pritet që ti “ndryshojë jetën”. Ndonëse nuk foli për gjëra konkrete, Tahiri i shtoi edhe më shumë kërshërinë, duke lënë vend për hamendësime.
Saimir Tahiri mësohet të ketë dorëzuar prova të reja të ardhura nga Italia, dhe që vendosin në pozitë të vështirë njerëzit e akuzës. Se çfarë ishin këto prova, Saimir Tahiri zgjodhi t’i lërë surprizë.
“Dorëzova një provë që e quaj deçizive për procesin. Kam mbi 1 vit që dëgjoj dhe kam heshtur. Prisni edhe pak”, u shpreh ish-ministri.
Dhe kur duket se për Prokurorinë ka nisur numërimi mbrapsht, për Tahirin sapo ka filluar koha për të qeshur.
Duke lënë pas të gjitha këto procese të zgjatura në kohë, e që i kanë kushtuar edhe një lodhje mendore, Tahiri ka shfytëzuar ditën e lindjes për të bërë një super festë.
Me anë të një video-je të ndarë me ndjekësit në profilin e tij në Instagram, ai shihet teksa këndon me Eranda Libohovën dhe Eneda Tarifën.
Prej ngjarjes së bujshme, ai u distancua nga jeta politike. Dita e tij e lindjes ishte ndër ato ditë të rralla, ku ai këndonte e kërcente, duke mos marë parasysh akuzat e shpeshta që vinë nga opozita.
