Aktori Herion Mustafaraj, një personazh mjaft i dashur për publikun shqiptar, ka rrëfyer një histori nga ato personale. Të gjithë e njohim si Beni, pasi ka lënë gjurmë në memorien tonë si djali çamarrok në filmin e famshëm shqiptar “Beni ecën vete”.
Por ai ka vijuar edhe më tej me karrierën e tij, duke lënë gjurmë. Aktori ka qënë i ftuar së fundmi në emisionin më të ri të Jonida Shehut “Soiree”, në “Top Channel”. Ai ndau me fansat e tij një histori personale.
“Unë kisha një shok, që babain e kishte shofer që dilte jashtë shtetit. Atë kohë ai kishte futur një fotografi të një femre nudo. Thjesht një femër nudo.
Vjen një ditë në shkollë dhe më thotë, shikoje çfarë kam. Unë sa e pashë thash me vete, kjo është e imja.
Kjo është e imja, do e blej vëllai jot. E bleva për 100 lekë, atë kohë i thonë 100 dollarë. Ajo ishte gocë e mirë, pa fjalë. E mbajta, e palosa e bëra të vogël dhe u mërzita.
E shita pastaj për 500 lekë, dhe ajo shkoi rreth e rrotull shkollës. Dhe kur më erdhi mua, më erdhi në gjendje të mjerueshme.
Më erdhi e palosur dhe kur e hapa, shoh dashnoren time të parë. Ishte bërë e shkreta; s’i dukej asgjë, viza-viza.
Pastaj e bleva prap për 30 lekë, dhe ia dhashë ushtarit që qendron tek piramida që po ndërtohej”, ka rrëfyer Herioni.
