Një 50-vjeçar është arrestuar në flagrancë, pasi ka tentuar ti japë ryshfet një punonjësi të policisë. Fatmir Doko është kapur nga punonjësi i qarkullimit rrugor, duke transportuar me mjetin furgon tip “Benz”, pasagjerë pa lejen përkatëse. Për t’iu shmangur komisionit, ai i ka ofruar punonjësit të qarkullimit rrugor një kartëmonedhë të prerjes prej 1000 lekë.
“Arrestohet në flagrancë drejtuesi i automjetit, shtetasi Fatmir Doko, 50 vjeç, banues në Kuçovë. I cili i ofroi ryshfet punonjësit të Policisë Rrugore, me qëllim shmangien e komisionit O.A.SH.
Ky shtetas në rrugën “Pavarësia”, është kapur nga punonjësi i qarkullimit rrugor, duke transportuar me mjetin furgon tip “Benz” pasagjerë pa lejen përkatëse. Për t’iu shmangur komisionit O.A.SH., i ka ofruar punonjësit të qarkullimit rrugor një kartëmonedhë të prerjes prej 1000 lekë”.
Materialet iu referuan Prokurorisë së Rrethit Gjyqësor Tiranë, për veprën penale “Korrupsioni aktiv i personave që ushtrojnë funksione publike”.
