Gjykata e Krimeve të Rënda i ka dhënë leje motrës së ish-deputetit Arben Ndoka, Mimoza Ndoka, që të ushqejë foshnjën e saj me gji brenda ambienteve të gjykatës. Mimoza Ndoka ka dalë sot përpara Gjykatës së Krimeve të Rënda, krahas 33 të arrestuarve të tjerë, me akuzën e tjetërsimit të pronave në Lezhë.
Mimoza Ndoka është e martuar, nënë e një fëmije 4-5 muajsh dhe deri tani nuk ishte lejuar të ushqente foshnjen e saj, pasi është nën arrest gjithashtu për akuzën e falsifikimit.
Sakaq, ish deputeti i PS, Arben Ndoka, ka mohuar të ketë falsifikuar dokumenta.
“Nuk kemi falsifikuar asnjë dokument, dhe asnjë pronë. I kam kërkuar llogari familjarëve për një pronë”, ka thënë Ndoka.
