Kreu i PD-së, Lulzim Basha ka dëshmuar në Prokurorinë e Tiranës. Ai ka dëshmuar në vijim të hetimeve të nisura për çështjen “Toyota Yaris”. Kreu i PD-së, në një deklaratë për media është shprehur se Prokuroria po e akuzon se ka nxjerrë sekretin shtetëror.
“Prokurori ka kërkuar dëshminë time për hetimin që ka hapur në lidhje me zgjidhjen e sekreti shtetëror lidhur me futjen e parave të krimin me “Toyota Yaris”.
Nxjerrjen e sekretit shtetëror për veprën kriminale të futjes së parave të krimit me “Toyota Yaris”. Ky veprim dëshmon se denoncimet e mia publike për përfshirjen e Ballës në dhënien e garancive politike dhe trafikimit të parave të pista të krimit janë të vërteta.
Dy deputetë të tjerë të PS-së, Ulsi Manja dhe Jurgis Çyrbja, janë përfshirë në këtë aferë. Kam ardhur me shumë dëshirë sot në Prokurori për t’u dëshmuar shqiptarëve se ku ka degraduar sistemi i qeverisjes. Prokurori po e heton rastin si sekret shtetëror. Prokurori ka prova për arrestimin e Taulant ballës. Ka shumë fakte për të dënuar me dekada burg, Tahirin, Dakon, e Sejdinit”, tha Basha.
Kujtojmë se Basha ishte i pari që tha emrin e socialistit Taulant Balla si personi qe kishte porositur dhe priste 3.4 mln eurot që u gjeten ne makinat “Toyota Yaris”, në portin e Durrësit, gjatë një kontrolli./TIRANA TODAY/
