Sikundër ishte paralajmëruar edhe më herët nga meterologët, pritet që nesër të nisin reshjet e para të dëborës. Pas vjeshtës e cila nuk ishte tipike e ajo çfarë kemi kaluar vite më parë, duket se temperaturat do të ulen.
Moti ka qenë në favorin tonë, duke na dhënë edhe më shumë mundësinë për të bërë banjo dielli. Por fundi i tetorit shënon edhe uljen e temperaturave, sikundër shihen qartë edhe në tabelën përkatëse.
“Sot pasdite (e diel, dt.21) dhe nesër (e hënë, dt.22) të gjithë qarqet pritet të mbeten në nivelin “I MODERUAR” të rrezikut për zjarre. Me përjashtim të qarkut të Kukësit, ku rreziku pritet të jetë “I ULËT” (siç tregohet në tabelë, respektivisht për secilin qark).
Qarqet Lezhë, Durrës dhe Elbasan pritet të kenë rrezik më të lartë, krahasuar me qarqet e tjerë të vendit.
Rreziku pritet të jetë më i lartë gjatë ditës së sotme.
PARASHIKIMI METEO
————————–
RESHJET
Sot pasdite (e diel, dt.21) priten reshje të dobëta në të gjithë qarqet. Nesër (e hënë, dt.22) reshjet priten të intensifikohen dhe do të arrijnë deri mesatare në qarkun e Vlorës.
Ndërsa në qarqet Durrës, Fier dhe Gjirokastër do të arrijnë lokalisht mesatare (siç tregohet në tabelë, respektivisht për secilin qark).
Në veri të vendit, mbi 1500 m priten reshje të pakta dëbore.
TEMPERATURAT
Nesër (e hënë, dt.22) temperaturat minimale dhe maksimale të ajrit pritet të arrijnë:
në bregdet: 14 / 22 °C
në vendet e ulëta: 13 / 22 °C
në vendet malore: 6 / 14 °C
ERA
Sot pasdite (e diel, dt.21) dhe nesër (e hënë, dt.22) era do të fryjë mesatare, ndërsa në bregdet deri e fortë gjatë pasditeve.
