Kryeministri Edi Rama ka parë nga afër ecurinë e punimeve të Rrugës së Arbrit. Me anë të videoja të publikuar në “Facebook”, Rama shkruan:
“ERTV Live?: Në shtratin e RRUGËS SË ARBRIT, që tanimë është hapur në të gjithë gjatësinë e saj?
Kryeministri Edi Rama i shoqëruar nga ministri Damian Gjiknuri dhe drejtori i Rrugëve panë nga afër punimet. Ai tha se shtrati i rrugës është hapur në gjithë gjatësinë e saj, ndërsa punimet po vazhdojnë me ritme të shpejta. Rama i kërkoi inxhinierit të kompanisë private që të përfundojë punimet në pranverë të vitit 2021. Por, ai me të qeshur tha nëse ministri do jete korrekt me pagesat , rruga do përfundojë edhe para afateve.
Ky investim infrastrukturor që kap vlerën e 240 milionë eurove parashikon shkurtimin e distancës nga Tirana në Dibër nga 180 në 69 km.
