Ndarja e parakohshme nga jeta e Blerta Pepës, preku zemrat e të publikut mbarë shqiptar.
Një vit më parë, 16-vjeçarja ndërroi jetë gjatë një operacioni në këmbë. Një ngjarje kaq e rëndë, bëri që edhe mjeku që asistoi në operimin e saj të tentonte vetëvrasjen.
Blerta Pepa, një vajzë shumë e talentuar dhe artiste, pjesëmarrëse në “Gjeniun e Vogël”, ndërroi jetë në majin e vitit të shkuar. Ajo la pas një dhimbje shumë të madhe në zemrat e familjarëve, të afërmve miqve dhe gjithë shqiptarëve.
Sot, më shumë se një vit që nga humbja e Blertës, vëllezërit e saj, Landi dhe Ermali, kanë menduar që të sjellin një këngë për engjëllin e tyre.
Ermal Pepa ka publikuar në Instagram pjesë nga kënga që do të titullohet “Si ta pranoj”.
Kjo këngë dhe ky videoklip duken tejet prekës.
