Një 33-vjeçar shqiptar i identifikuar si Shkëlqim Meta, është ndaluar me 2 shtator nga autoritete britanike. Gjatë kontrollit të ushtruar në makinën e tij policia ka gjetur një sasi lënde narkotike.
Në makinë iu gjetën 7,32 kg kanabis, sasi e cila arrinte vlerën e 70,000 dollarëve. Nga kontrolli i mëtejshëm rezultoi se ai po e voziste makinën me dokumente të rreme identifikimi. Ndaj tij rëndojnë tashmë dy akuza: posedimi i lëndës narkotike, me mbajtja e dokumenteve të falsifikuara të identifikimit.
Philip Standfast, avokati mbrojtës i shqiptari tha se Meta, kishte 6 vite që qëndronte në Britani. Ai u shpreh se klienti i tij ka punuar në një lavash makinash, duke iu fshehur policisë.
“Ai mund të dëbohet në çdo moment si emigrant ilegal që ka qëndruar në vend”, tha ai.
Meta, me qëndrim në Gloucester, u deklarua fajtor për posedimin e kanabisit me qëllim furnizimin e të tjerëve, si dhe për drejtim mjeti pa licence dhe dokumente.
Meta në gjyq u procedua me anë të një përkthyesi shqiptar. Ai u dënua me nëntë muaj burg dhe iu pezullua leja e dhënies së makinës për 15 muaj e gjysmë.
Meta u kap në Darlington me 2 shtator duke blerë dy çanta te një tjetër burrë, duke i dhënë paratë për mallin. Kur u ndal në u zbulua se ai kishte 7 pako me kanabis në makinë./TIRANA TODAY/
