Këngëtari i njohur i hiteve “Haven’t met you yet”, “Home” etj, Michael Buble, ka rrëqethur gjatë emisionit “Today show”. Në një televizion në Australi, si ka folur me lot në sy për sfidat e të pasurit një fëmijë me kancer.
Në vitin 2016, djali i tij i madh u diagnostikua me kancer në mëlçi. Lajm ai e mori nga bashkëshortja disa minuta para se të dilte në skenë për të performuar në një koncert në Londër.
“Thjesht vdiqa. S’e di si këndova. Kam qenë në autopilot”, – tregoi Buble. Ai më pas mori një avion privat dhe u kthye në Los Angeles për të qenë pranë familjes.
“Ishte e tmerrshme. Akoma është. Çfarë kaluam ne është gjëja më e tmerrshme në botë që mund të kalosh si prind, apo thjesht si njeri. Do të doja të isha në vendin e tij. Kam shpresuar pafund të isha në vendin e tij,”- ka rrëfyer i prekur këngëtari për vogëlushin, i cili ende po trajtohet në Amerikë.
Tashmë prej dy vitesh Michael Bublé dhe gruaja e tij modelja argjentinase dhe aktorja Luisana Lopilato, kanë kaluar momente të vështira. Ata po jetojnë si në ‘ferr’ që kur mësuan se djali i tyre 5- vjeçar, Noah, ishte i prekur nga kanceri në mëlçisë.
Ndërkohë që gjendja shëndetësore e Noah është duke u përmirësuar, janë prindërit ata të cilët vuajnë. Pra, për herë të parë, Buble mori guximin dhe theu heshtjen duke bërë një rrëfim kaq emocional për ankthin që po kalon familja e tij.
Por tashmë Michael Bublé dhe gruaja Luisana Lopilato janë prindër të tre fëmijëve. Buble, 41-vjeç, dhe Lopilato, 31 vjeç, që nga viti 2016 kur mësuar për sëmundje e djalit të tyre nuk kanë gjetur qetësi shpirtërore.
Por, gjendja shëndetësore e djalit të tyre po shkon drejt përmirësimit, dhe prindërit tashmë i janë përkushtuar plotësisht fëmijëve.
Përveç Noahut, Buble dhe Lopilato janë prindër edhe të djalit Eli, 2-vjeç dhe vajzës Vida, e cila ka lindur këtë verë. Albumi i tij i ri, “Dashuria”, do të dalë më 16 nëntor, dhe publiku është shumë i impresionuar dhe mezi po e pret që të dalë në treg./TIRANA TODAY/
