Në atentat me armë zjarri ka ndodhur mbrëmjen e djeshme në zonën e ish-Bllokut në Tiranë, ku për pasojë mbeti i vrarë Rigers Gaxha, i cili ishte truproja i objektivit Ervis Martinaj. Ky i fundit dhe Leart Hasa, kanë mbetur të plagosur. Por lëndime dhe plagë të lehta thuhet se ka marrë edhe i Redi Popesku, i cili është pronari i lokalit në zonën e ish-Bllokut, në ambientet e të cilit ndodhi edhe ngjarja e rëndë.
Gjatë momentit të atentatit, viktima dhe dy të plagosurit kanë qenë së bashku në një tavolinë, ndërsa Popesku ka qenë në ambientet e biznesit të tij, por pa pasur lidhje me ngjarjen.
Zyrtarisht, sipas burimeve të Policisë, Popesku thuhet se nuk është i plagosur, por nga dëshmi të marra në vendngjarje, ai mësohet se ka marrë një dëmtim të lehtë, më tepër në formën e një gërvishtjeje, që mund të jetë shkaktuar nga sende të forta.
