Kur në “Top Channel” po jepej intervista e Xhisiela Malokut, ajo ndodhej në studion e “Opinion”, në “Tv Klan”. Përballë gazetarit Blendi Fevziu, Xhisiela ka thënë se intervista që është transmetuar në “Top Channel”, është e montuar.
“Nga ajo intervistë në “Top Channel”, është gjithçka e montuar. Ata kanë thënë kontekstin që donin të thonin”, është shprehur 25-vjeçarja në “Opinion”, ndërsa një kundërpërgjigje ka ardhur menjëherë nga Eni Vasili.
“U gjet e papërgatitur përballë fakteve dhe provave. Dëshmoj që kam bërë një intervistë profesionale, dëshmoj këtu që gjithçka u transmetua është jo vetëm e pamanipuluar, por gjatë intervistës kemi qenë unë dhe Anila Hoxha”, ka thënë Eni Vasili.
