Duket se bashkëpunimi mes drejtorit sportiv, Beppe Marota dhe Juventusi i ka ardhur fundi. Ka qenë vetë ai që ka dhënë këtë lajm menjëherë pas fitores që bardhezinjtë morën përballë Napolit në Torino. Marota ka qenë një ndër njerëzit kryesorë që punoi për ndërtimin e një Juventusi kaq të fortë dhe bëri të mundur ardhjen e Cristiano Ronaldos tek Juventusi.
“Emërimi im si administratori i deleguar skadon në 25 Tetor, kompania dhe aksionarët po zbatojnë një politikë rinovimi. Por në listën time të kandidatëve nuk do të jetë emri im. Do të qëndroj në Juventus si menaxher i përgjithshëm i fushës sportive. I mohoj kategorikisht zërat se do të jem një kandidat për FIGC, në këtë moment është një përvojë që nuk më tërheq”. I ngacmuar edhe më shumë nga gazetarët e “Sky” Marota tha: “Po rrugët tona janë ndarë”.
Në aventurën e tij në Torino, Marotta ka fituar shtatë tituj kampion, katër Kupa të Italisë dhe tre Superkupa italiane. Vlerësimi më i fundit për atë në cilësinë e drejtuesit të Juventus, morriti vetëm javën e kaluar, kur Marotta fitoi çmimin “The Best” për kategorinë ekzekutive, si menaxheri më i mirë i vitit. Njoftimi i tij i mbrëmjes së të shtunës, për tu larguar nga Torino, ndërsa në ditët në vijim do të mësohen padyshim motivet e këtij divorci mes Marotta dhe Juventus.