Mes Ramës dhe Majkos pati një përplasje të fortë në votimin për shembjen e Teatrit Kombëtar, ku ministri u largua nga salla pasi nuk pranoi të votonte “pro”. Por kjo nuk e prishi aspak marrëdhënien e konsoliduar mes tyre.
Në aktivitetin e organizuar dje nga PS në Tiranë, për fushatën e anëtarësimeve të reja, u vu re një ‘gricje’ miqësore. Mes tyre nuk munguan batutat. Ishte kreu i qeverisë që e ftoi Majkon të ndante disa karta anëtarësie, por ministri nuk e kurseu batutën.
“Unë s’jam shumë i mirë me këto (kartat), se atyre që ia kam dhënë unë, janë zënë me këtë (tregon me gisht Ramën), dhe janë larguar nga Partia Socialiste. Ndërsa përsa i përket moshës, ky (Rama) është më i ri se unë”, tha Majko.
E me të njëjtën monedhë ia kthen edhe Rama: “Do vijë dita që do jetë Pandi më i ri, se Pandi ashtu ka qenë, ashtu është, dhe ashtu do mbetet. Unë ndryshe kam qenë, ndryshe jam, e ndryshe po bëhem”, tha Rama.
